गजल 
                                     - देव गुरुङ् [11th, august 2006]

तिमी सग भेट हुंदा हासे आन्जानमा ।
सपना झै माया प्रीति गांसे अन्जानमा ।।

मायाको परिभाषा थाह छैन मलाइ ।
तिम्रो तस्बीर मुटुमा टांसे अन्जानमा ।।

पाधेंरोमा लुकि बस्थे तिम्रै प्रतिक्षामा ।
म मिर्मिरेमा भाले भै बासे अन्जानमा ।।

अचम्मै भो दम,खोकि केहि रोग छैन ।
माया सल्काइ मुटुमा खांसे अन्जानमा ।।

अन्न बाली उब्जिएन बालुवाको खेतमा ।
ब्यर्थै मैले बांझो जोति चासे अन्जानमा ।।

                                             -घाचोक कास्की
                                              हाल हङ्कङ्